( عيدك في الجنة )

بقلم الكاتب
محمد عباس
الاسماعيليه
……………….
مين في طيبة قلبها
امي العزيزة بحبها
ربي الكريم هييء لها
زرع المحبة في طبعها
ابات واصحي في حضنها
اشوف عيونها كل يوم
تشكر وتحمد ربها
كل الحنان في قربها
وبدعي ربي يكون لها
كل الاماني في فرحها
وجنب مني بنبضها
روحها الجميلة بحبها
عايش وطاير في السما
قلبي وروحي عندها
كل ماشوفها بحبها
واحب كل من حبها
خالي وخالتي منها
امي وحبيبتي مين قدها
ملكة وهدية من ربها
ورحمة جاتني م السما
مين في حنية قلبها
مين في وفاءها وعرشها
نحم وطالع للسما
زهرة وطرحت لاجلي انا
روح الملايكة في نبعها
من كتر حبي عشقتها
وابات واصحي في حلمها
معروف ايديها وفضلها
ودعاء ليلاتي في قلبها
رافعه ايديها في الصلاة
بتدعي ربي اعيش لها
وكبرت بدري في ضلها
صاين جميلها وعطفها
عايش وقلبي لقلبها
في كل يوم ادعي لها
تسكن في جنة ربها
ضحت كتير لاجلي انا
عاشت فريدة في نبلها
عاشت اميرة في عهدها
كل من شفها دعي لها
بحاجات كتير من حقها
فرحة عمري كلها
ضحت وادت فرضها
كانت قريبة لربها
وكل يوم اوصل لها
جعان وبطلب ودها
يارب حقق ظنها
بكل خير يسرها
بكل حرف في اسمها
بكل ثانية في بعدها