قلمي كتب كلماته

كتبت أمال عثمان
كان حديثه مع افكارى
على الأجيال والتعليم قولت لقلمى ممكن تكتب وترد عليا
قالى ماشى اكتبى وسألى
قولت حكتب واقول لاجيال التعليم
أيامكم جارت على تعليمكم
أجيال سنوات الامراض
سنه انفلونزا الطيور
وسنه انفلونزا الخنازير وسنه كان فيها التغيير
وسنه ورا سنه كرونا وشكل السنه دى وربنا يستر برد جديد
مش عارفه يقولوا عليه ايه برد مخلوى ولا برد شديد
طب كل دا اسميه ايه
هل عقاب ولا تكفير ذنوب
ارجع واقول لا عقاب ولا تكفير لأن الله اسمه الرحيم
أكيد العيب فينا وشكله صنعناه بأيدينا
بتقولى ايه صنعناه طب اذاى انت كدا ظلمتينا
لا انا عارفه بقول ايه وبكتب كدا ليه
طب يلا سمعينى
الغلط مننا فينا
الدنيا كانت جميله كنا بنزرع وناكل بأيدينا من غير غسيل
من الارض
كان الزرع من غير مبيد ولا كيماوى يضر فينا
بنقطع الشجر وبنجرف اراضى عشان نبنى بيوت وعمارات
وبسين وكمان شبكات محمول فوق مبانيها
حتى البحور كان فى نصيب ليها
رموا مياه الصرف الشركات فيها
بالله عليك ياقلمى مش كل ده امراض أحنا السبب فيها
طبعا كل البلاد الفقيرة كدا
نفسك تقول لى حاجه
قول انا كل اذانى صاغيه لكل كلمه بفهم معانيها
ايوة عايز اقولك ان البلاد المتقدمه كل البلاوى فيها
اذاى قولى بسرعه متتعجبيش مش عشان متقدمين يبقوا فاهمين كل حاجه لا دا الغلط عندهم اكبر
تطويرهم للاسلحه والقنابل الذريه فرحانين بيها
وديما بيحبوا يجربوا ويحربوا بيها
ونفايتهم فى بلاد كتير بيدفنوها
أل يعنى بيحموا نفسهم
طب ماهو كدا بيدمروا الارض
وبيغيروا الاحتباس ليها بيقولوا اتجمعوا عشان يدرسوا
احوال المناخ طب المناخ اتغير ودرجة الحرارة زادت
بسبب الحروب الكتير والدمار اللى فيها
هو لو فى انفجار قنبله مش بيخرج نار وثانى أكسيد الكربون
مش دا سبب تغير مناخ
ولا ايه نفسى اعرف حد يقولى
عندك حق خلاص بطلى تفكير عشان مش حنغير اى شئ فى الموضوع طول مافى حروب ودمار فى بلاد كتير
طب نفسى ااقول يا دعات السلام السلام مش كلام
اوقفوا الحروب وازرعوا الاشجار والورود
انشروا الحب والتعاون
عشان الأجيال اللى جايه تعيش حاضرها وماضيها وتنسى كل الامراض اللى اصبحوا كل يوم عايشين بيها
للاسف جيل اصبح لا تعليم ولاصحه ليهم ارحموا من فى الارض يرحمكم من فى السماء
وانشروا الحب بجد
من غير حروب ولا تخريب
وانقذوا اطفال اللى اصبح كل ايامهم الحبس فى البيوت حتى وهما مشين مستخبين فى كمامات والله حرام
فين طفولتهم فين حق التعليم
فين صحتهم دا الكل بيعطس
وبيسخن انشروا السلام بجد
وشوفوا الحل بسرعه عشان يعيشوا
الحياة وانتم كمان تعيشوا احلامهم و أمانيهم
خواطر وحديث الفكر مع القلم
أمال عثمان