موقع شباب وان موقع شبابي يهتم بالشباب منبثق من المبادرة الشبابية عزتنا في مصريتنا
أفهمها إزاي عن الدنيا
وإن مش ليها أمان.
تقول لي سيبها لبكره
يحلها حلال وأتركها
على الواحد الديان.
يا ستي الدنيا وكانها
في أبريق شاي ال
تعب وأكل نفسه
من الغليان.
وال مايعملش لبكره
حساب طول عمره
يعيش تعبان.
وأنا كبرت وإنهد
في الحيل والسن له
حكمه والحصان ال كان
بيرمح بقى بنص حصان.
تفهم فيهم
يقول لي ليه ماسك
على نفسك فكها وإفتح
المنديل وإتبشرق وإعيش
يومك وليه ديما عامل لينا
شيخ يا تقول حديث نبوي
يا آيه من القرآن.
أفهم وما بفهمنيش طول
عمره كان أبوي فقير.
وعشنا على لقمه بدقه.
عشان نعيش وأنا واخده
مثل في حياتي وعيني ال
هاتكلها الدود كان يحرم نفسه
من اللقمه عشان يسترنا
من البرد يغطينا ويلملمنا
ويدفينا كبرنا على فزع الدنيا
ناكل وهو كان بينام جعان.
نشرب حتى من دمه.
ويقضي طول يومه عطشان
خد الدنيا من شرقيها
لغربيها ويتحتر لخدمة ناس
ملهاش أدنى ستين لازمه
عشان مليم يدخره نجيب قلم
وكراسه علمنا وياريت نفعنا
وأخدنا الدرس وإحفظناها
الدنيا غداره ومكاره وأيامها
أسود من قعر الحله ومش
لازم أعيش مغيب عن وعي
أو أكون سكران.
عشنا في بلاد الدنيا وأكلتنا
الغربه عشان نشوف لمعان
الفجر بيزهزه وبينور وشمس
الصبح بتشرق ونتنفس
أمل بكره ياما ناس كتير
شفناها ومبنتعلمش بتموت
فينا شمتان.
بتفرح في وجعنا والضحكه
على وشوشهم من الغيظ
تكون أشكال و ألوان.
مين قال إن أنا مابحبش
تكونوا أحسن ناس في
الدنيا وأقدمها ليكم على طبق
من فضه جنة الرضوان.
يا خوفي من ال جاي بكره
ضربته بتوجع وبتألم
ولازم أكون عامل له حساب
مش لازم أكشف له ضهري
وأتعرى عشان كرباجه ولسوعته
هاتعلم وهاتجرح وأنا ليه
ديما أكون خسران.
أنا قولت وراضيت ضميري
قدام ربي ويشهد علي
وأنا في قبري وهارحل
وهابقى تراب وهاتفتكروا
كلام قولته وأنا في كامل
قوى عقلي لا كنت نجيب
سويرس ولا مرجان
أحمد مرجان أنا خيري
ال طول عمره ماشي جوار
حيطه عيشت
حياتي بطولها
وعرضيها على الستر
والصبر على وجع الدنيا
والأيام ومرارها
ورضى ربي وبحاول
إني أنا أرضيه
وهاموت غلبان.
أنا ما قولت في يوم بابي
ولا قولت مامي أنا فلاح
إبن فلاح بعشق تراب
أرضي وأشوف النبته مزروعه
وهي لسه مولوده وبتنبت
تجيب ثمره وتطرح خير
وعلى اللقمه وحبة مش
بعيش وطول عمري عايش
درويش وأتعب من ال بيقول
بندلع وبنشخلل وبندفع
في القهاوي بقشيش
ولابشرب نفس جوزه
ولابقعد مع العاوطليه وأتسكع
وأتغمز للي رايح وللي جاي
ولا بصباص وبحب تراب الناس
ولاتبع نسوان……؟؟؟؟!)
19/1/2024
(ترنيمات وخواطر.بقلم……….)
(شاعر العاميه/خيرى حسنى.)
